Исмоилов Ш.М., Сотиволдиев Р.Ш. Назарияи ҳуқуқ ва давлат

Китоби дарсӣ барои донишҷӯёни соҳаи ҳуқуқ ва иқтисод. — Душанбе: Деваштич, 2008. — 288 с.Дар китоби мазкур масоили муҳими ҳаёти ҳуқуқиву давлатӣ бо назардошти назария ва амалияи сиёсӣ, иқтисодӣ ва иҷтимоии ҳуқуқии башар, таҷрибаи ватанӣ ва хориҷӣ таҳлил мешаванд. Сохти китоб ба мантиқи тадқиқи илмӣ дар иртибот бо воқеияти муосири ҳуқуқиву давлатӣ асос ёфтааст. Китоби мазкур дар баробари масъалаҳои анъанавӣ бобҳои навро дар бар мегирад, ки тағйиротҳои имрӯзаи давраи гузаришро инъикос мекунад. Онҳо бо усулҳои нави тадқиқи илмӣ, дар робита бо хулосаҳои навтарини илми башар, бо истифодаи қонунгузорӣ ва амалияи ҳуқуқии ҷумҳурӣ омӯхта мешаванд. Китоб бо дарназардошти нақшаи таълимӣ ва самти омодагии касбии донишҷӯёни соҳаи ҳуқуқ ва иқтисод таҳия ва омодаи нашр шудааст. Барои донишҷӯён, аспирантон, мутахассисон ва онҳое, ки нисбати ҳуқуқу давлат таваҷҷуҳ доранд, пешбинӣ шудааст.