Обиджон Анвар. Балога қолган футболчи

Тошкент, 2010. – Ҳажвиялар, ҳангомалар.Бугунги ҳажвчилигимизда етакчилардан бири сифатида эътироф этиб келинаётган Ўзбекистон халқ шоири Анвар Обиджон асарлари оддий кишиларнинг турмушига, тилига яқинлиги, ҳангомалари ўта гурунгбоплиги, айни дамда, мазмуни теранлиги билан азалдан ажралиб туради.
Айниқса, «Эски замон кулгилари» туркумига жамланган ҳажвияларнинг аксариятида собиқ тузумдаги иллатларни, иш юритишдаги таги пуч ҳайбаракаллачиликларни, ижтимоий адолатсизликларни фош этиш кенг ўрин олгани эътиборга сазовордир. Булар янги авлод вакиллари учун ўша давр муҳити ҳақида ўзига хос бир сабоқ вазифасини ўтай олишлиги билан алоҳида қимматга эга, деб ўйлаймиз. Шунингдек, тилга тушган “Олтиариқ ҳангомалари”нинг айрим парчаларидан ҳам бахраманд бўласиз.
Ҳеч шубҳа йўқки, бу қувноқдан-қувноқ китоб барча тоифадаги ўқувчиларнинг яқин қадрдонига айланиб қолади.